Joomla project supported by everest poker review.
Tandis que vous dansez
Tandis que vous dansez & ballez à vostre aise,
Et masquez vostre face ainsi que vostre cœur,
Passionné d’amour, je me plains en langueur,
Ores froid comme neige, ores chaut comme braise.
Le Carnaval vous plaist : je n’ay rien qui me plaise
Sinon de souspirer contre vostre rigueur,
Vous appeller ingrate, & blasmer la longueur
Du temps que je vous sers sans que mon mal s’appaise.
Maistresse, croyez moy, ye ne fais que pleurer,
Lamenter, souspirer, & me desesperer :
Je desire la mort, & rien ne me console.
Si mon front, si mes yeux ne vous en sont tesmoins,
Ma plainte vous en serve, & permettez au moins
Qu’aussi bien que le cœur je perde la parole.
Pierre de Ronsard