Joomla project supported by everest poker review.

Le Baladin

 

Voirray je point à mon gré bien dancer ?
Ne sçauroit on tenir de s'advancer
Trop ne trop peu? voirray je point la danse
Et les sonneurs tous deux d'une accordanse?
Ne sont ils pas de leurs instrumentz seurs?
Est ce leur faulte, ou s'il tient aux danseurs?
O instrumentz qui justement sonnez
Balleurs esleuz, qui n'estes estonnez
Pour aucun son de musique incertaine,
Danseurs dansans soubz musique haultaine,
Dont l'harmonie est tant bien mesurée
Que venir faict à cadence asseurée ;
Cueurs allegez, qui au dedans du corps
Branslez avant que les piedz par dehors,
Cessez la dance et la marche du bal,
Cessez vos sons, Orpheus et Thubal,
Oyez ung peu la cause, je vous prye,
Pourquoy ainsi ma muse tance et crie...
... des biens mondains Symonne possedoit
Jà les troys pars, et Faultre tendoit,
Et toutefoys tant estoit convoiteuse,
Que incessamment se sentoit souffreteuse.
De pourpre et de lin richement fut aornée,
De dyamantz et perles couronnée.
D'habitz, pour vray, avoit le corps vestu
Plus richement que l'esprit de vertu ;
Car jamais femme on ne vit tant oysive,
Ne tant comme elle en orgueil excessive.
Elle jouoyt d'instrumentz dont les noms
Sont basilicqs, bombardes et canons.
Elle chantoit jour et nuict mainctes choses
Qui n'estoient pas dedans son cueur encloses.
A bien danser estoit pesante et lourde,
Hors de mesure, en tant qu'elle estoit sourde
Et pour autant que ouyr ne vouloyt pas
Les instrumentz qui sonnoient par compas.
Grâce n'avoit sinon mal gratieuse
En son parler aigre et fallatieuse...
 
 
 
 

Clément Marot

 
 
Dance Poetry
A comprehensive anthology
Edited by Alkis Raftis
Copyright 2012

©