Joomla project supported by everest poker review.
La dame au tambourin
Qui est celluy qui d’amer se tendroit
Quant Beaulté fait de morisque l’entree,
De Plaisance si richement parée
Qu’a l’amender jamais nul ne vendroit.
Cueur demy mort, les yeulx en ouvreroit,
Disant : « D’est cy raige desesperee.
Qui est celluy qui d’amer se tendroit
Quant Beaulté fait de morisque l’entrée ? »
Lors quant Raison enseigner le voudroit,
Il lui diroit : A ! vielle rassotee,
Lessez m’en paix, vous troublez ma pensee,
Pour riens en ce nulluy ne vous croiroit.
Qui est celluy qui d’amer se tendroit ?
Charles d’Orléans