Su ballu e sas Launeddas

Cando pro calchi festa fentomada

Benit su sonadore ‘e launeddas

Ite gioia in donzi contonada!

Tottu sas mezzus nostras giovaneddas

Accudint ‘a sas piattas pius mannas

Cun sas trizzas lughentes e nieddas.

E bessit dae su sonu ‘e sas cannas,

Che una oghe gentile, un ‘armonia

De tottu cuddas nostras ninna nannas,

(...)

Ma ecco! su ballu tundu est cominzadu

E pius che mai repicat su sonu.

Ogni pizzinna mirat s’amoradu

E finz’a chelu s’alzat su piùere,

A donzi colpu de passu torradu.

Sas fèmminas chi paaren de s’allùere

Passan che Deas, serias, derettas,

Cun sos frontes isplendidos de sùere

E i sos omines, finis che cannettas,

Dae sas caras siccas e fieras

Mandan lampos d’amore e de minettas.

E i sas longas berrittas, che banderas

Isbattini e si pèsana a su entu,

Comente nende milli violeras.

De s’anima sarda tottu patimentu!